Oqtay Kazımi

Untitled Document

Onun “Məhəbbət” mahnısı şedevrdir. Oqtay müəllimin mahnıları klassik əsərlərdir. Oqtay müəllim bizim sonuncu magikanımızdır.

Zöhrə Abdullayeva
müğənni

İki dost

Qəlbim haraylıdır, ürək fikirli,
Gözlərim önündə canlanır onlar,
Baxışlar qayğılı, içim kədərli,
Adları silinməz ömürdür onlar.

***

Xalqın bəstəkarı, xalqın şairi,
Sözdən qüvvət alıb, mərd yaşadılar,
Bəşər tarixinin ölməz əsəri,
"Qəribə həyata" nəğmə qoşdular.

***

Dostluqdan yenilməz qala tikdilər,
Yazıb yaratdılar qoca dünyada,
Ülvi məhəbbətin himnin yazdılar,
Əbədi qaldılar uca dünyada.

Müşfiq Cabiroğlu

Oqtay Kazımi təkrarolunmaz sənətkardır. Onun yazdığı mahnılar 50 ildən çoxdur ki, repertuardan düşmür. Bu müddət ərzində onun mahnıları köhnəlməyib, dəbdən düşməyib, yaddan çıxmayıb. Oqtay Kazıminin sənəti, yazdığı əsərlər təkrarsız və ölməzdir. Elə bir tədbir, elə bir şənlik yoxdur ki, Oqtayın əsərləri, mahnıları orada səslənməsin. Onun mahnılaırnı dinləyəndə zövq alırsan, mənəvi istirahət edirsən. Onu üzdən tanımayanlar var, amma mahnılarını eşitməyənlər yoxdur.

Soltan Məmmədov
keçmiş millət vəkili

1 2 3 4 5 6 7